هاوریان ئامادەبزانى بەریز!
لەلایەن رابەرى و هەموو کادرو ئەندامانى حککع ەوە پیرۆزبایى بەریوەچونى ئەم کۆنگرەیەتان لیدەکەم، بە ئومیدى ئەوەى سەرکەوتوانە کارەکانى خۆى تەواوبکات و ببیتە سەرەتاى هەنگاویکى گەورە لە ریگاى هینانەمەیدانى حیزبیکى سیاسى – جەماوەرى مارکسیست و شۆرشگیرو ئالوگۆربەخش. ئەمە پرۆژەیەکى گەورەو گرنگى حیزبى کۆمۆنیستى کریکارى عیراق بوو لەم چەند سالەى رابردووداو بە تایبەتى لەیەکسالى رابردوودا بوە یەکیک لە ئەوەلویەتەکانمان.
هاوریان! کۆمەلگاى کوردستان پیویستیەکى حەیاتى بە حیزبیکى لەم بابەتە هەیە. زیاتر لە سەدەو نیویکە کۆمۆنیزم بە خەبات و تیکۆشانى بیوچان لە دژى زولم و زۆرى کۆمەلگاى چینایەتى و وەستانەوە بەرامبەر هەموو جۆرە ستەم و چەوسانەوەو نایەکسانیەک ناسراوە، وە بە خەباتى لیبراوانە لە پیناو ئازادى و یەکسانى و خۆشگوزەرانیدا، لە ئاستى هەموو جیهان و لە روانگەى دۆست و دوژمنەوە، ناوى کۆمۆنیزم جووت بووە لەگەل خەبات بۆ ئازادى و رزگارى چینى کریکارو بەشەریەتى چەوساوە.
هەر بەم پیوانەیە ئەگەر لە هەر گۆشەیەکى ئەم کۆمەلگایەوە چاویک لە دەوروبەرى خۆتان بکەن، لە هەر روویەکەوە سەرنج بدەین، زەرورەتى هاتنەمەیدانى کۆمۆنیزمیکى رادیکال و مارکسیست و حکمتیست، لە هەموو میژووى رابردوى ئەم کۆمەلگایە، راشکاوانەتر خۆى دەنوینآ.
هیچ کات بە ئەندازەى ئیستا قلشتى چینایەتى لە کۆمەلگاى کوردستاندا قول نەبوەتەوە. هیچ کات وەکو ئیستا کۆمەلگا بەم زەقیە دابەش نەبووە بە دوو دەستە و دوو چینى کۆمەلایەتى ناکۆک و دژ بەیەک، لەلایەک کەمایەتیەکى یەکجار کەم لە نیو سامان و سەروەتیکى یەکجار بیشوماردا نوقم بوون، کە لە نیو جەماوەردا بە فیرعەونەکان و میرنشینەکان و ملیاردیرەکان ناوزەد دەکرین. لەلاشەوە زۆرایەتیەکى یەکجار بیشومار لە نیو هەژارى و نەدارى و محتاجى بۆ سەرەتاییترین پیداویستیەکانى ژیان نوقوم بوون.
جەماوەریکى ملیونى رۆژ تائیوارە رادەکەن، سالەهایە بەم جۆرە رادەکەن و هەموو عومرى خۆیان بە رەنج و ماندوبوون بەسەربردوە، کەچى هەتا بیت لە سایەى نیزامى ئیستادا ژیانیکى شایستە بە ئینسان زیاتر بۆیان دەبیت بە ئاواتیکى دورەدەست. لەولاشەوە کەمایەتیەک کە دەسەلاتى خۆیان بەسەر ئەم کۆمەلگایەدا داسەپاندوە، بەبى ئەوەى دەست لە تەرو وشک بدەن، بە لیشاو داهات و سامان و دەسترەنجى ئەم کۆمەلگایە تالان دەکەن و قەلاى سەروەت بەرز دەکەنەوە.
کۆمەلگاى کوردستان لە کاتیکدا لە دەیان سال لەمەوبەرەوە کۆمەلگایەکى شارى و مودیرنە، کەچى بە داخەوە لەم دوو دەیەى دوایدا بوەتە کۆنەپەرستانەترین خالى دنیاى ئیستا لە پەیوەند بە مامەلەکردن لەگەل ژناندا. هەر بە شایەتى دیکومینتە رەسمیەکان و ئەو بەلگە زۆرو زەبەرندانەى لەبەردەستى هەمواندایە، ئەو کوشت و کوشتارو بەربەریەت و خنکاندن و لوتبرین و بەردبارانکردنەى لەم کۆمەلگایەدا بەرامبەر بە ژنان بەریوەدەچیت، پیشى هەموو ئەو جیگایانەى داوەتەوە کە کۆنپەرستانەترین دەسەلاتى دینى و عەشیرەتى و قەمى تیایدا حکوم دەکات. تەنانەت هەر بە کاریگەرى ئەو فەزایەى لە کوردستاندا زالکراوە، لە قەلبى ئەوروپاشدا ئەو رەفتارو کردەوە درندانانەى لە نیو جالیە کوردیەکاندا بەرامبەر ژنان روودەدات چەندین بەرامبەرى ئەوەیە کە لە نیو جالیەکانى تردا روودەدات.
بەراستى لەم کۆمەلگایەدا بەربەریەتیکى واقعى بەرامبەر بە ژنان بەرپاکردوە، چاویک لە ئامارە رەسمیەکانى قوربانیانى ئەم بەربەیەتە بکەن، چاویک لە کتابى قوربانیانى ناموسپەرستى بکەن، چاویک لە کتابى ئۆقیانوسیک لە تاوان بکەن کە لەلایەن دەسەلاتەوە هەم نوسەرى ئەم کتابەو هەم تاوانبارانى ئەو ئۆقیانوسە لە تاوان خەلات کراون، لە هەر گەرەک وکۆلانیک کە هەن چاویک لە دەوەروبەرى خۆتان بکەن، حکایەتى ئەوەى فلان ژن خۆى سوتان و فلان کچ بە دەستى باوکى بە چەقۆ ورگى هەلدراو فلان بە دەستى میردەکەى خەلتانى خوینکراو، فلان خرایە ئاوى روبارەوەو سەدان داستانى سامناکى لەو جۆرە، نیشانیدەدەن کە قوربانیان ئەم بەربەیەتە لە قوربانیان کارەساتى هەلبجەو کیمیاباران زیاترە نە کەمتر. ئەمەیە وەزعى ژنان لە ئیستاى کۆمەلگاى کوردستاندا.
چاویک لە وەزعى لاوان بکەن، لاوانى ئەم کۆمەلگایە لە هەموو خۆشى و ئارەزوویەکى ژیانى لاویتى مەحرومن، سەدو یەک ئارەزویان هەیە و بۆ زۆربەیان یەک دانە لەو ئارەزوانە بەدینایات تا سەرئەنجام ژیانى لاویتیان بەسەر دەچیت، چەند جیل وایان بەسەر بردوە. لاوان بە دەستى هەژارى و گیرفانى بەتالەوە، بە دەست ئاوات و ئارەزووە سەرکوتکراوەکانیانەوە، بەدەست دەخالەتکرد لە هەموو کاریکى تایبەتیان، تەنانەت بە دەست بیبەشى لە ئازادى بۆ کردارو هەلس و کەوت و جل پۆشین، تا دەگات بە نەبونى سەرگەرمى و شوینى حەوانەوە، بە دەنگهاتوون، نارەزایەتى دەردەبرن، بە لیشاو رەودەکەن و ریگاى پرمەترسى دەگرنەبەرو زۆریک لەو ریگاوبانەدا دەبن بە قوربانى و تەنانەت لاشەکانیشیان نادۆزرینەوە. لەم کۆمەلگایەدا تەنانەت زانست و زانکۆو خویندنیش تالانکران و بوون بە ماددەیەک بۆ کەلەکەى سامانى دەسەلاتداران. ئەگەر لە لاوى ئەم کۆمەلگایە بپرسى خۆشیەکانى ژیانى چى بوون؟ وە بە چ ئارەزوویەکەوە هەنگاو دەنیت بەرەو بەشداریەکى چالاکانە لە نەخشاندنى ئایندەى ئەم کۆمەلگایەدا، جگە لە بیزارىو تورەیى و گالتەکردن بەو ژیانەى بەسەریدا فەرزکراوە هیچى ترى لى نابیستى. ئەمە هۆکاریکە ئەگەر بەرى نەگیریت دەتوانى ئایندەى ئەم کۆمەلگایە بۆ ناو تاریکستان بەکیش بکات.
چاو لە وەزعى مندالان بکەن، لە 5-6 سالیەوە خەمى نانیان لى باردەکریت، لە جیاتى یارى و خویندن و فەراهەم کردنى هەل ومەرجى پیویست بو گەشەو هەلدانى هەمە لایەنەیان، لە شەقام و بازارەکاندا بە رووت و رەجالى بەدواى پەیداکردنى ناندا ویلن. هیشتا بەشیکى بەرچاویان شانسى ئەوەیان پینابریت کە بچنە مەدەرەسەو دەرس بخوینن. ئەوانەشیان کە دەچنە مەدەرەسە، هیشتا وەکو ئاژەل بە دارو لیدان تەمبى دەکرین، هەر لەسەرەتاوە فیرى سەرکوت و ملدانەواندن و دەم بەستن و شەرم و بیبروابون بە خۆ و هەلاواردنى جنسى دەکەن، تا ئیستا تدریسى خورافات و تەفەرەقەى قەومى و هەلاواردنى جنسى و رەزایەتدان بە دەردو محنەتى هەمە جۆرەى ئەم نەزمە، وەکو دەرسى زۆر سەرەکى لە مەدرەسەکاندا تدریس دەکریت.
چاو لە وەزعى مندالان بکەن لە ناو خیزاندا. لیدان و سەرکۆنەو تەمیى کرد بە جۆرەها شیوەى توندوتیژى هەتا بلىى بلاوەو کەم مندال هەیە لىى بەدور بیت، بەلام چاو لە میدیاکان و لاپەرەى رۆژنامەکان بکەن، تا ببینن کە چۆن لە ناو خیزانەکاندا نمونەى وەحشیانەترین ئەشکەنجەدانى مندالان بەریوەدەبریت، چەند هەفتە لەمەوبەر بوو، جەستەى ئەو مندالەیان نیشاندا کە هەمووى بە ئاگرى جگەرە برژینرابوو. لەم کۆمەلگایەدا مندالانیک هەر لە شەوى یەکەمى چاو هەلهینانیان بەدنیادا، پیش ئەوەى یەکەم هەناسە لە نیو هەواى ئەم دنیایەدا هەلکیشن و بى ئەوەى ئاگایان لە هیچ بیت، تاوانى زۆلیتى دەدەن لە نیوچەوانیان و لە قەراغ شارەکان فریدەدرآ بۆ ئەوەى تا گیانى دەردەچیت هەلەرزآ. مندالان لەلایەن باندە مافیەیەکانەوە دەکرین بە بارمتە و بەو مندالیەى خۆیانەوە لەژیر بارى شکەنجەو هەرەشەى تۆقینەردا رادەگیرن بۆ ئەوەى ئەو باندانە بە مەرامە چەپەلەکانى خۆیان بگەن. هیچ هەول وتەقەلایەکى جدیش لە ئارادا نیە کە ئومیدى لیبکریت بەرى ئەم بەربەریەتە بگریت.
سەرنجیک لە وەزعى گیشتى کۆمەلگاو ژیانى خەلک بدەن. لەم کۆمەلگایەدا روون و راشکاو هەموو پیوانەو پرەنسیپیکى ئینسانى کراون بە گالتەجار. نە یاساو نە ماف و نە هاولاتى نە ژیان هیچ پیوانەیەکى ئینسانیان بۆ نەماوە. تەنانەت حوکمرانى و دەسەلاتداریتى و هەلبژاردن و دیموکراسیش بە پیش چاوى خەلکەوە کراوە بە کاریکاتیرو گالتەجارى. دەسەلاتدارانى ئەم کۆمەلگایە راشکاوانە بە خەلک دەلین ئیمە لە پیناو ئەم رۆژگارەدا زەحمەتمان کیشاوەو قوربانیمانداوە، بۆیە ئیستا مافى خۆمانە داهاتى وولات و گیرفانى خەلکەکەى داتەکینین و هەمووى بۆ خۆمان بەرین. برۆن قسەى سەرکردەکانیان لە جەریدەکانە بخویننەوە هەر ریک و راست وا دەلین. ئەمەیە مەنتقى بزووتنەوەى ناسیونالیستى کورد.
ئەوە 17 سالە ناسیونالیزمى کورد حاکمى ئەم کۆمەلگایەیە، هەر دەلىى بۆ ئەوە بەدەسەلات گەیشتوون کە بە خەلکى بسەلمینن، کە دەسەلاتى ئەوان هیچ پەیوەندیەکى بەدەسەلاتى خەلکەوە نیە، ئاوات و ئامانجەکانى ئەوان هیچ پەیوەندیەکى بە ئاوات و ئامانجەکانى خەلکەوە نیە. ئەوان بە لوتکەى دەسەلات و ئاواتەکانى خۆیان گەیشتن، دروست بۆ ئەوەى خەلک لە نیو زەلکاوى مەحرومیەت و بیدەرەتانیدا نقوم بکەن. بەرهەمى 17 سال دەسەلاتى ناسیونالیزمى کورد بریتى بوو لە شەرو کوشتارو کردنى شەقام و کۆلان و مالى خەلک بە مەیدانى ئەم شەرە، بریتى بوو لە دەربەردەرکردن و ئاوارەکردنى دەیان هەزار خیزان، شکەنجەو زیندان و تیرۆرو ئەتککردن، بە تالانبردنى داهات و سەرکوتى نارەزایەتى خەلک لە بەرامبەریدا، موحتاج کردنى جەماوەریکى ملیونى بو ئاوو کارەباو سوتەمەنى، واتە ئەو پیداویستیە سەرەتاییانەى کە دەیان سال لەمەوبەریش خەلکى ئەم کۆمەلگایە کیشەیان لەگەلى نەبوو. هەراجکردنى ماف و چارەنوسى خەلک بە ئەمریکاو باندە قەومى و ئیسلامیەکانى عیراق و دەولەتانى کۆنەپەرستى ناوچەکە، لە پیناو زامنکردنى دەسەلاتى میلیشیایى خۆیاندا. سەپاندنى 17 سال دەسەلاتى میلیشیایى بەسەر کۆمەلگایەکى شارى و مودیرندا و مقاوەمەتى گیانسەختانە بەرامبەر هەر هەولیک کە بۆ گۆرینى ئەم وەزعە بەریخرابیت.
لەم 17 سالەدا سەرکوتى کریکاران و کۆمۆنیستەکان و رۆشنبیران و هەموو دەنگیکى ئازادیخوازو نارازى، تیرۆرى هەلسوراوانى چەپ و مخالف بە خۆیان، حەملەى رەشى کوژى ژنان بە بەهانەى پیسى ناموسپەرستیەوە، داخستنى رۆژنامە و بارەگاى ئەحزابى سیاسى و ریکخراوەى پیشەیى و مەدەنیەکان، کارنامەى ناسیونالیزمى کوردیان پیکهیناوە.
ئەم کۆمەلگایە کە17 سالە بە دەست ناسیونالیزمى کوردەوەیە، تا ئیستا لە گیژاویکى سیاسیدا راگیراوەو چارەنوسى هیشتا دیار نیە. 17 سالە ئەم کۆمەلگایە وەکو هەر جیگایەکى ترى سەر ئەم زەویە نە دەولەتە نە سەربەخۆیە، نە بە کردەوەش بەشیکە لە وولاتیکى سەر بە دەولەتیک. نە دەولەتى تیایە نە قانون و نە پیوانە، هەر بە دەسەلات و قانون و پیوانەى میلیشیایى بەریوەدەبریت. جەماوەریک کە دەیان سال ستەمیان کیشا، قوربانیانداو پاشان گوایە راپەرین و ئازادیان بە دەست هینا، ئیستا دواى 17 سال بەروبومى راپەرینەکەیان بووە بە تامەزرۆیى بۆ ئاوو کارەباو سوتەمەنى و گیرۆدەبوون بە دەستگرانى و بیدەرەتانیەوە. دواى 17 سال خەلکیان بەو وەزعیەتە گەیاندوە کە لە راپەرینەکەشیان پەشیمانى دەربرن.
گەندەلى و تالانچیتى ئاشکرا خەلکى گرفتارو هەراسان کردوە، تەنانەت ئەوانەى کە دەیان سالە شەریکەبەشى ئەم تالانى و گەندەلیەن، ئیستا لە هەولى ئەوەدان خەبات و نارەزایەتى خەلک لە دژى گەندەلى گەندەل بکەن. ناسیونالیزمى نارازى و پەراویزکەوتوو هاوشان لەگەل تاقمە تیرۆریست و کۆنەپەرستە ئیسلامیەکاندا، هەموو ئەوانەى کە هەر لە بنەرەتەوەو بە زگماک گەندەلن، دەیانەوى روپۆشى وەستانەوە بەرامبەر گەندەلى بدەن بە رووى خۆیاندا.
بۆ چارە سەرى ئەم گیژاوە سیاسیە و ئەم بى دەولەتى و پاشاگەردانیە، بەدیلى سەرجەم هیزو بزووتنەوەکانى تر جگە لە تەرحى کۆنەپەرستانەى فیدرالیزم، جگە لەو فیدرالیزمە شکستخواردوەى کە لە راستیدا بۆ دریژەدان بەم وەزعەو بە دەسەلاتى خۆیان دایانرشتوە، هیچ ریگاچارەیەکى تریان لە هەگبەدا نیە.
بە کورتى لە یەک جملەدا سەرنج لە هەر لایەکى ئەم کۆمەلگایە دەدەى پیویستى بە گۆران و هەلگیرانەوە هەیە. ئیمە زەورەتى پیکهینانى حیزبى کۆمۆنیستى کریکارى کوردستان لەم واقعە تالەى کۆمەلگاوە دەردەهینین. ئیمە ناتوانین قبول بکەین کۆمەلگاو ژیانى کۆمەلایەتى و چارەنوسى ئینسان بەم جۆرە بەریوەبچیت. هەموو ئەوانەى کە رۆژانە لە نیو ئەم دەریایى نەهامەتیەدا ئومیدو ئلرەزووى گۆرین و هەلگیرانەوەى ئەم واقعە تالە دەکەن، ریگایەکیان نیە جگە لەوەى دەستدەنە دەست یەک و ئیرادەى خۆیان بهیننەمەیدان بۆ ئەم ئالۆگۆرە.
ناسیونالیزمى کورد بە تەواوى ئیمتحانى خۆیداوەو سەلماندویتى کە بزووتنەوەى قولکردنەوەى ئەم مەرگەساتەیە نەک لە ناوبردنى. بزووتنەوەى کۆنەپەرستانەو تیرۆریزمى ئیسلامى بە هەموو بال و رەنگەکانیەوە، رەخنەیان لە وەزعى ئیستاو لە دەسەلاتى ناسیونالیزمى کورد ئەوەیە کە بە ئەندازەى دلى ئەوان کۆنەپەرستى و سەرکوت و تۆقاندن و ژنکوشتن و مندال ئەزیەتدان و لاو مەحروم کردن و دەمداخستن، بەرقەرار نەکراوە، یان بە قەولى خۆیان بەرەلایى لە رادەبەدەر بەرپاکراوەو پەلاقاژەیان بۆ ئەوەیە کە ئەم وەزعە سەختربکەنەوە. لە قاموسى ئەواندا باسى ماف فەسادى دەخاتەوە، ئازادى بەرەلایى بەرپا دەکات، یەکسانى ئاژاوە دەخاتەوەو لادانە لە یاساى خودا، خوشگوزرەانى بەشەر بەلاریدا دەبات.
دیموکراسى وەکو بزووتنەوەیەکى بورژوازى، هەرچەند لەم کۆمەلگایانەى لە بابەتى کوردستان و عیراق و دەوروبەریاندا هیچ زەمینەیەکى ئابورى و کۆمەلایەتى و بە هەمان شیوەش سیاسى، لە ئارادا نیە بۆ مەیدانداربوونى سیاسى، هەر بۆیەشە لە تاریخى ئەم کۆمەلگایانەدا هیچ کات شایەتى هاتنەمەیدانى ئەحزابى سیاسى بەهیزى ئەم سونەتە سیاسە نەبوین، بەلام بەدەر لەمە لە راستیدا دیموکراسى واقعى ئەگەر فروفیشالەکانى بخەیتەلاوەو پەردە لەروى هەلمالیت هەر ئەوەیە کە بە تایبەتى لە 2-3 دەیەى رابردوودا تاکرەوانە حوکمرانى دنیاى کردوە، لەم دەورەیەدا بە کردەوە تەجروبەکرا کە دنیا لە سایەى بالادەستى دیموکراسیدا، یەکیک لە رەشترین و سەخترین و پرکارەساتترین دەورانەکانى میژووى خۆى بەسەر برد. جەنگ و مالویرانىو ئاوارەیى و مەرگ وبرسیتىو نا ئەمنى و پاشەوپاش گەرانەوە بەوپەرى خۆى گەیشت.
بۆیە ئەوە وەکو رۆژى روناک وایە، هیچ یەک لە بزووتنەوەکانى تر، نە ناسیونالیزم و نە ئیسلام و نە تەنانەت ئەو دیموکراسیەش کە بەشیک لە رۆشنبیرانى بۆرژوا دەمى لیدەکوتن، پەیامیکیان بۆ ریگاچارەى ئەم وەزعیەتەى ئیستا پى نیە.
گۆرینى ئەم واقعە تالە ئەرکى کۆمۆنیزم و چینى کریکارو ئەو جەماوەرە ملیونیەیە کە بە دەستیەوە گرفتارن. بەلام کۆمۆنیزم و چینى کریکارو جەماوەرى مەحروم بۆ ئەم کارە پیویستیان بە ئامرازى کارساز هەیە، ئەویش حیزبە، حیزبیکى سیاسى بەهیزو بە توانا، بەبى حیزبیکى وەها ئیمکانى هەلگیرانەوەى ئەم واقعە لە ئارادا نیە. ئیمە حیزبى کۆمۆنیستى کریکارى کوردستان بۆ ئەم مەبەستە و بۆ ئەم زەورەتە حەیاتیە دروست دەکەین.
بەلام بۆ ئەوەى ئەم حیزبە بە خیرایى پیبخاتە ناو هاوکیشەى سیاسى و بەرامبەرکى لەسەر چارەنوسى کۆمەلگا، دەبى هەر لەم رۆژى یەکەمەوە، وەکو حیزبیکى سیاسى دەخالەتگەر بینابکریت، حیزبیک کە هەر لەسەرەتاوە عاملى ئالوگۆربیت لە ژیانى خەلکدا، هەر لە رۆژى یەکەمەوە بوون و هەلسورانى ماناى هەبیت لە کۆمەلگادا، هەر لە رۆژى ئەوەلەوە سەنگەریکى قایم بیت بۆ بەرگرى لە ئازادى و یەکسانى و ماف و گوزەران و حورمەتى خەلک، هەر لە رۆژى یەکەمەوە پشتیوانیکى قایمو سازدەرو رابەرى خەباتى جەماوەرى بیت. دەبى هەر لە رۆژى ئەوەلەوە جیاوازى تەواوى خۆى لەگەل ئەحزابى چەپى تەقالیدى و گروپى لاکەوتە و بآتەئسیرو ئەحزابى مەعاشخۆرو ریاکەر و دەستەمۆى دەسەلات، نیشانبدات. وەکو حیزبیکى رادیکال و شۆرشگیر بچیتە مەیدانى کیشمەکیش لەسەر بەرژەوەندیەکانى خەلک و لەسەر دەسەلاتى سیاسى و لەسەر چارەنوسى کۆمەلگا.
ئەمرۆ نارەزایەتى جەماوەرى و تورەیى خەلک بە دەست نەبونى و گرانى و وەزعى سەختى ژیان و دەسەلاتى میلیشیایى و تالان و برۆوە، بەوپەرى خۆى گەیشتووە، حیزبى کۆمۆنیستى کریکارى کوردستان، ئەگەر بیەوى بە خیرایى ببیت بە حیزبیکى سیاسى بەهیز، تەنها دەتوانى لە ریگاى نوینەرایەتى کردن و رابەرى کردنى ئەو مەوجى نارەزایەتیە جەماوەرەیەوە ببیتە ئەو حیزبە بەهیزە، ئەم حیزبە دەبى ببیتە حیزب و ئامرازى ئەو نارەزایەتیە جەماوەرەیە، بەم جۆرە دەتوانى بە کردەوە ئەوە بە کۆمەلگا نیشانبدات کە بووى ئەم حیزبە چ مانایەکى هەیە. رۆژگاریک پیش ئەوەى بە زەبرى چەک و پیلانگیرى سیاسى و سەربازى، لە کوردستاندا پاشەکشە بەسەر حیزبى کۆمۆنیستى کریکارى عیراقدا فەرز بکەن، ئەم حیزبە سەنگەریکى قایم بوو بۆ بەرگرى لە ئازادى و کریکارو ژن و مندال و لاوو جەماوەرى زەحمەتکیش، لەسەر ئازادى و نان و گوزەرانى جەماوەرى کریکارو زەحمەتکیش چوە ناو کیشمەکیشى سیاسیەوە لەگەل ئەحزابى دەسەلاتدار، لەسەر مافى ژنان و وەستانەوە بەرامبەر کوشتارى ژنان چوە ناو بەرامبەرکآى توندەوە لەگەل ئیسلامى سیاسى و ناسیونالیزمدا، لەسەر چەکدارکردنى مندال چوە ناو کیشمەکیشەوە لەگەل پەکەکە، لەسەر چارەنوسى کۆمەلگاو دەرهینانى لە سەرگەردانى کیشمەکیشى کرد…وە بە هەموو ئەمانە حیزبى کۆمۆنیستى کریکارى عیراق حیزبى نارەزایەتى جەماوەورى بوو. کاتیک پاشەکشەى بەسەردا سەپینرا، هەموو ئەم مەیدانانەى خەبات بە چۆلى مایەوەو، دۆست و دوژمن ئەوەى بینى کە بونى ئەم حیزبە چ ماناو کاریگەریەکى هەیە و نەبونى چ ماناو کاریگەریەکى هەیە. حیزبى کۆمۆنیستى کریکارى کوردستان ئیستا دەبى بەهیزیکى زیاترو بە بە عەزمیکى قایمترەوە ئەو بۆشاییە سیاسە پربکاتەوە. دەبى جەماوەرى ستەمدیدەو نارازى بە خیرایى هەست بەوە بکەن کە بەدیلى خەباتکارانەى ئەوان پآى ناوەتە مەیدانى سیاسى کوردستانەوەو دەکرى لە دەورى کۆبنەوەو بەدەستەوەى بگرن و خەباتى خۆیانى پآ بەسەرکەوتن بگەیەنن. ئەمە ریگاى تەبدیلبونە بە حیزبیکى سیاسى و جەماوەرى قودرەتمەندو ئالوگۆربەخش و ریگایەکى ترى لەبەردەم نیە.
لە هەمانکاتدا حیزبى کۆمۆنیستى کریکارى کوردستان دەبى حیزبیکى سیاسى بیت، بەو مانایەى بە نەریت و یاساو دیسپلینى حیزبى سیاسى کار بکات، حیزبیکى توندو تۆل و مودیرن و کراوە بیت، حیزبیک بیت بە کردەوە خاوەنى توندترین دیسپلینى حیزبى و فراوانترین بواریش بیت بۆ دەربرینى بۆچونى جۆراوجۆر. کۆمۆنیزم بە بآ حیزبیکى سیاسى توندوتۆل و مەحکەم و بە دیسپیلین، ناتوانى سەرکەویت.
بە ئومیدى سەرکەوتنى کۆنگرەو بنیاتنانى حیزبیکى بەم جۆرە.