دوبارە وەلام بە هاوری اصغر
ریبوار احمد:
من مەبەستم نەبوو ئەم جەدەلە هەروا لەگەل تۆ دریژەَ پێبدەم، بەلام وەلامی اخیرت بە من کە گەلێک تەفرەو تۆمەت و دیماگۆجیەتی گرتوەتە خۆ، ناچاری کردم بە کورتی چەند خالی پیویست روونبکەمەوە.
١-ئەوەی کە بێ بەلگەو بی تەوزیح من تاوانبار دەکەی بەوەی تەوهینم کردوە، تەنها تۆمەتیکەو هیچی تر. لە ناوەرۆکی وەلامەکەت ئەوەم بۆ رون بوەوە کە کام لیکدانەوەو رەخنەی من بە تەوهین دەزانی، لە جیگای خۆیدا ئەوە بە بەلگەوە تەکزیب دەکەم.
٢-ئیستعفای من لە حیزبی دوو شەقە بوی حیکمەتی دەکەیتە بەلگەیەک بۆ سەندنەوەی حاقنیەت لە بۆچونەکانم کە لەم جەدەلەدا لەگەل تۆ کردومانە. تەنانەت من بە فیراری ناوزەد دەکەیت. ئەمە هەلێکە و تۆ قۆستوتەوە بەلام یەکەم ئەم جەدەلە لەسەر سونەتی تەحزوبی کۆمۆنیستی و خەتی سیاسی حیکمتیست بوو لە نیوانمان، ئیستعفای من لە حیزبی حیکمەتی لە روانگەی پیداگری توندترەوەیە لەسەر هەردوکیان و بەو ئیستعفایە زەرورەتی ئەوانە بۆ من لە بەین ناچیت. دووەم سۆسیالیزم و ئینقلابی کارگری نە لەگەل حیزبی حیکمەتی لەدایک بوون و نە بە دووشەق بوون و تەنانەت نابوتبونی ئەو کۆتایيان دێت. من هەلسوراویکی ئەو مەیدانەم و فیرار ناکەم، ئەگەر تۆ حیزبیکت هەیە من دوای حیزبی حیکمەتیش دوو حیزبی ترم هەیە کە ئەو سونەت و خەتە بۆ ئەوان حەیاتین هەر وەکو نان و ئاو بۆ بەشەر.
٣-دەربارەی بزوتنەوەی سەوز، گوایە من ووتومە لە ئیرانی پێش ئەم بزوتنەوەیەدا خەبات و نارەزایەتی کریکاران و خەلکی ئازادیخواز لە ئارادا نەبووەو تۆ لاپەڕەت رەش کردوەتەوە بۆ ئەوەی بە منی بسەلمینی کە خەبات و نارەزایەتی رۆژانەی کریکاران و ژنان و لاوان لە دژی کەسافەت و ملهوڕی حکومەتی ئیسلامی هەر هەبوەو گوایە ئەوە منم نایانبینم! ئەگەر بلیم ئەمە دیماگۆجیەتە دەلیی تەوهین دەکات. بەلام کەی باسی من ئەوە بوو؟! لانی کەم جگە لەو نمونانەی جەنابتان باستان کردوە خەبەرم لە بزوتنەوەی دانیشگاکانیش هەیە کە حیزبی حیکمەتی کەم دەخالەتی تیایدا نەبوو. بەلام اصغر گیان باس بەملاو بەولادا مەبە من ووتومە بزووتنەوەی سەوز لە دلی ئەو نارەزایەتیانەوە نەهاتەدەرو لە دریژەی ئەوانەدا نەبوو بەلکو لە دژیان و بۆ بەلاریدابردنیان بوو. ریک پیچەوانەی شۆڕسی مصر کە لە دلی نارەزایتی چەند سالەی کریکاران و جەماوەر زەحمەتکیش و لە دریژەی ئەوەدا بوو. هەروەها ووتم بزووتنەوەی سەوز لە دەوری بانگەوازی کەروبی و موسوی و پەرچەمە سەوزەکەی ئەوان هاتەمەیدانەوە. بۆ باس دەبەیتە سەر ئەوەی کە گوایە من ئینکاری بونی نارەزایەتی کریکاری و جەماورەریم کردوەو گوزارشی مانگرتن ونارەزایەتیاکانم بۆ دەکەیت. خۆ لانی کەم ئاگام لە زۆرویژیەکەی رۆژنامەی کەیهان هەیە. پێش راپەرینی ١٩٩١ کورستانیش خەبات و نارەزایەتی کریکاری و جەماوەری هەبوو، مانگرتنی کریکارانی ئەلبیسە و چیمەنتۆو کاشی و تەنانەت بزووتنەوەی فراوانی دانیشگاکان بەرابەری چەپ و کۆمۆنیزم بەریکەوتبوو، بەلام راپەرین لە دلی ئەوانەو لە دریژەی ئەوانەدا نەبوو، بەلکو لە دەوری ئاسۆی ناسیۆنالیستی کورد شکلی گرت. گومانیشم لە بەرحەقبونی هەمیشەیی خەباتی مردوم نیە تا بە هێنانەوەی بەڵگە لە منصور حیکمەتەوە ئەمەم پێ بسەڵمێنی، باسی من باسی ئاسۆو پەرچەمی سیاسی زالە بەسەر ئەو خەباتەدا نەک بەرحەق نەبونی. دروست ئەو نمونەیەی لە دەمی منصور حیکمەتەوە باست کردوە بەشێکە لە باسیکی زۆر فراوانی ئەو نقدی قسەکەرانی بزووتنەوەی ناسیۆنالیستی کورد کە خۆیان خزاندبوە پشتی حەقانیەتی خەبات و نارەزایەتی مردومەوە.
٤-باسی دروستی پێشبینی حمیدی تقوائی دەکەی بۆ “ئینقلابی ٨٨”، بەلام واقعیەت ئەوەیە کە حمیدی تقوائی تەنها ئەوکاتە پێشبینیەکی وای نەکردوە، بەلکو ئەو هەمیشەو بەردەوام وتویەتی ئینقلاب بەرێوەیە. ئایا ئەگەر رۆژێک بە واقعی ئینقلابیش رووبدات دەکرێت بڵێین پێشبینیەکەی ئەو بەدیهاتووە؟ ئەگەر بیرەوەریم باش یارمەتیم بدات سالی ١٩٩٥ یان سالی ١٩٩٦ بوو، وتیان حمید تقوائی لە جەلسەی دفتر سیاسی حککادا ئەوپەری یەک سالی تری بۆ عومری جمهوری ئیسلامی داناوە، حەتمەن کەسانیک کە لەو جەلسەیەدا بوبن دەتوانن شایەتی لەسەر راستی ئەم مەسەلەیە بدەن. بەلام ئەگەر گریمان بزوتنەوەی سەوز ئینقلاب بوبیت و بەپێی پێشبینی حمید تقوائیش روویدابێت و مایەی شانازیش بیت بۆ حککا، بەلام ئەی بە پیرەروە چونی حککا بۆ “ئینقلاباتی هەخا و ناسیونالیزمی تورک و عەرەب” و پێشبینی کەرو موبتەکیرەکانیان کێ بوون و شانازیەکەیا بۆ کێیە؟! اصغر گیان نادر کۆلیک بەلگەی نوسراوی هەیە لەسەر هەلسەنگاندنی بزووتنەوەکان، ئیستا پیت وایە ئەوانە کافی نین و دەبی راپۆرتی تۆ دەربارەی بۆچونی نادر لە قسەوباسی دوقۆلیتان سەبارەت بە”شرکت مردم کرمانشاه در مراسم تدفین ملا محمد ربیعی امام جمعه این شهر” بکرێت بە مەبنا؟! ئەم جۆرە بەڵگەهێنانەوەیە بواری ئەوەت بۆ ناهێلێتەوە داوەری لەسەر تیروانین و لیکدانەوەی کەسی تر بکەیت و پێ‌ێ بلێی سەتحی؟!
٥-دەربارەی انشعابی ٢٠٠٤ دیسان باس بەملاو ئەولادا دەبەی، باسی لیدەرشیپی کۆرشت کردوە بە پاساو، بیگومان هەر قانون شکینیک بەهانەو پاساوی خۆی هەیە، ئەوانە بۆ خۆتان هەلگرەو بۆ ریزەکانی خۆتانی باس بکە، بەلام خۆت لە وەلامی پرسیارەکەی من مەدزەوە! تۆ کە باسی ئەوە دەکیەت کە “آن اقلیت می تواند اکثریت را از دفتر سیاسی بیرون بیندازد!” من دەلیم ئەی خۆتان بەدەر لە پاساوی سیاسی، لەرووی قانونیەوە چۆن لە ٢٠٠٤دا کە ئەقەلیەتیکی ٢٢ کەسی بوون کۆمیتە مەرکەزیەکی ٤٦ نەفەریتان “دورزد”؟! باسی سونەتی تەحەزوب و مەوازیەنەو پرسیارەکەش بەم سادەییەیە، ئیتر پاساو مەهینەوەو هەر بەو مەنتقەی باسی نا مەشروعیەتی کاری ئەو ئەقەلیەتەی دفتر سیاسی حیزبی حیکمەتی دەکەیت و هیچ بایەخیش بە پاساوەکانیان نادەیت، ئاواش دان بە ناشەرعی بوون و ناقانونی بونی کارەکەی خۆتاندا بنێ.
٦-بەلام بەراستی دەبی دان بەوەدا بنیم کە لە تەحریکی ئیحساساتیشدا ئوستادی. باسی پێوانە ئیزدواجیەکەتم کردبوو کە چۆنە بە دووشەقەکردنی گەورەترین حیزبی کۆمۆنیستی کریکاری سەر ساحەی سیاسی ئیران لە 2004دا دەڵێی “قوی شدیم” کەچی بە دابرانى چەند کەس لە حیزبی ئێمە لە عيَراق دەڵێی ” لطمات جبران ناپذير”. لە جیاتی وەلام بە پرسیارەکەم من تاوانبار دەکەیت بە بێ ئیحترامی! بەلام بێ ئیحترام دەبێ ئەو کەسە بیت کە بۆ مەرامی سیاسی یاری بە ئیحساساتی هاوریکانی خۆی دەکات. من بێ ئحترامی بەکەس ناکەم، دابرانی ئەو هاوریانەش بە خەسارەت دەزانم، بەلام بێشک پیم وایە ئەمە لەگەل دووشەقە کردنی حککا بەراورد ناکریت. ئایا ووتنی ئەم راستیە یان ئەو یاریەی تۆ بە ئیحساسات کامیان بێ ئیحترامیە ؟!. پاشان تۆ دەڵێی من مەبەستم باری سیاسی مەسەلەکەیە! زۆر سەیرە بلێی من باسی باری اقتصادى مەسەلەکە بکەم؟! اصغر گیان منیش مەبەستم ئەوەیە دروست لە رووی سیاسیەوە دووشەقە کردنی حککا کە ئیوە پێ‌ی “قوی شدی” زۆر لەتمەیەکی گەورەو جبران ناپزیری دا لە کۆمۆنیزم کە بەراورد ناکرێت لەگەڵ ئەو لەتمەیەی دیسان بە هۆی رەفتاری نا مسئولانەی ئیوەوە بەر حککع کەوت. من مەبەستم پیوانە ئیزدوجیەکەتانە کە ئەوەی یەکەم بە مایەی “قوی شدن” و دوەمیان بە “لطمات جبران ناپزیر” دەبینێ. بەلام جیاواز لەمەش وادیارە هیشتا متوەجهی ئەوە نیت کە چی روویداوە. باورەکە جگە لە لاوازکردنی زۆری کۆمۆنیزم ئەو انشقاقە کاریگەری زۆری بوو لەسەر هەموو پارچەپارچە بونەکانی دواتر بەوەی ئیستای حیزبی حیکمەتیشەوە.
٧-دیماگۆجیانە باسی ئەوە دەکەیت کە گوایە هەروا سادە ئیمە هاوریانی خۆمان لەسەر بەشداری لە “کۆنگرە”ی ٥ی حیزبی ئێوەی هاوپەیمانی پیشومان داوەتە بەر هەرەشەی دەرکردن. راستیەکان مەشێوێنە! یەکەم کۆنگرەکەتان بەپێی پێناسەی ئصولی سازمانی حککا کۆنگرە نەبوو. دووەم ئەوکاتەی ئیمە بەو هاورییانەمان ووت نابی برۆن بۆ ئەو کۆنگرەیە کاتیک بوو کە ئیوە بە لیشاو بانگەوازتان بۆ هەلوەشانەوی حیزبی ئێمە و شۆڕشی ریزەکانی حیزب دژی رابەری دەکرد. ئایا ئەندامانی کۆمیتەیەکی حیزبیک لەوانە ئەندامیکی کۆمیتەی ناوەندی دەکرێ لە کۆنگرەی حیزبیکدا بەشداری بکات کە بانگەوازی بۆ هەلوەشانەوەی حیزبەکەی خۆی کردوە؟! سێەم یەکێک لەو قرارانەی خستبوتانە بەردەم ئەو کۆنگرەیە راشکاوانە دژی حیزبی ئێمەو بە مەبەستی هەلوەشانەوەی حیزبی ئیمە بوو، ئایا دەکریت ئەندامانی کۆمیتەی کیشوەری و کۆمیتەی ناوەندی حیزبیک بەشداری بکەن لە تجمعی چپلەرێزان بۆ قەراریک دژی حیزبەکەی خۆیان؟! چوارەم لەسەردەمی منصور حیکمەتەوە هەردوو حیزب لەسەر ئەوە پەیمانمان مۆرکردبوو کە جگە لە ئەندامانی کۆمیتەی مەرکەزی هەردوولا، هیچ ئەندامیکی تری هیچ لایەکمان بۆی نیە خۆی بۆ کۆمیتەی ناوەندی لایەکەی تر کاندید بکات. حەتمەن چاکت لە بیرە کە ینار محمد لە کۆنگرەی چواری حککا کاندید کرا بەلام هەر بەپێی ئەم پەیماننامەیە کاندید بونەکەی قبوڵ نەکرا، کەوایە ئەگەر ئێوە باسی هاوپەیمانی دەکەن چۆن ئەندامانی کۆمیتەی کیشوەری حیزبی ئیمەتان کرد بە ئەندامی کۆمیتەی ناوەندی حیزبەکاتان؟! پینجەم ئیوە هەتا لە رووی پرەنسیپی شەخصیشەوە ئەو هاوریانەتان لەگەل موقفیکی قورس و گرفتیکی زۆر بیویژدانانە بەرەوروو کرد، ئاخر چۆن دەکرێت لە کۆنگرەی حیزبیکی تردا بەو رونکردنەوانەوە کە پێشتر باسم کرد، کۆمەڵێك ئەندامی حیزبیکی تر، یەکلایەنە فراکسیونیک لە ناو حیزبەکەی خۆیاندا رابگەیەنن بۆ لایەنگری لەو حیزبەی کە بانگەواز بۆ هەلوەشانەوەی حیزبەکەی خۆیان دەکات؟! چۆن دەکرێت شعبەی حیزبیکی تر لە ناو حیزبی خۆیاندا دامەزرینن؟! ئایا باسکردنی بەڵگەی زیاتر پێویست دەکات؟! دۆستی ئازیز ئیوە ئابروی حیزبیەتتان برد. بۆیە دەلیم ئیوە نمونەیەکی هەرە ئیفراتی لەوەی حیزبی اتحادتان لە حیزبی ئیمەدا پیادە کرد. من لایەنگریم لەوەی حیزبی اتحاد نەکردوە تا لە وەلامدا پیم بلیی حیزبی حیکمەتیست وەلامی داوەتەوە، ئەمە تەفرە رۆیشتنە لە وەلامی سەرراستی پرسیارەکەم، من دەلیم چۆن دەبیت ئەوەی لە حیزبی خۆتاندا قەدەغەیە لە حیزبی تردا بە شێوە ئیفراتەیەکەی بۆ لایەنگرانی خۆتانی داوا بکەن؟! پرسیارەکە سادەیە وئەملاوئەولای پێ مەکە.
٨-ئەما لە هەموو دیماگۆجی تر باسی رادەربرینی مخالفی هاوری شمال عەلیە! تەنانەت هەولدەدەی بە ئیحساسی ئەویش یاری بکەیت. گوایە من کە لەگەل هاوری شمالدا ئەم چەند سالەی کە ئیوە بەهەردوکمانتان دەگوت ” راست و دوی خوردادی” لە بەغداد بە ناو بۆمب و کوشتارو سیناریۆی رەشدا خوینی خۆمان کردبوە کاسەیەکەوە، ئیستا من شمالم بۆ کەمە و تۆ بە زۆری دەزانی؟! اصغر گیان دەست لەم کارە هەلگرە باوەرکە ئەمە قیمەی مایەپوچی سیاسیە. تۆ لە وەلامی یەکەمدا بە من دەلێی مخاتبەکەت ریزەکانی خۆتانەو نیگەرانی ریزەکانی خۆتانی…بەلام بزانە کە لەگەل کەسانی ئاقل و بالغ روبەرووی…..منیش لە وەلامی تۆدا ووتم باوەرم بە ریزی فشۆڵ و بیئاگا لە رەوەند و جیاوازیەکان نیە، تا ئیستا کە تەنها هاوری شمال هەلویستی مخالف بە هەلویستی حیزبی بووە، نەک لەوە نیگەران نیم، بەلکو من پێشنیارم بۆ هەردوو حیزب کردوە کە نەک ریگا نەگرن لە بەیانی هەلویستی جیاوازو مخالف بەلکو تەنانەت ریگاش تەنگ نەکەنەوە. بانگەوازی کادرەکانیشم کرد کە ئازادانە رای خۆیان دەربرن بزانم چەند کەس دوای بانگەوازەکەی جەنابتان دەکەوێ. ئایا ئەمە پەیوەندی بە باسی سەنگی کەم و زۆری هاوری شمالەوە هەیە تا تۆ خۆت بکەیتە لایەنگری گەروەیی ئەوو منیش خەتابار بکەیت بە بەکەم گرتنی ئەو؟! بەراستی ببورە کە دەلیم ئەم رەوشتە هەم ناشرین و نا موحتەرەمانە و هەم فریوکارانە. تۆ جاری برۆ فتوای “راسترەوی و دووی خوردادی”ەکەتان کە شمال عەلیشی شمول کردوە لانی کەم بەرامبەر ئەو وەربگرەوە ئەوکات پێت دەڵێـم کە شمال عەلی پیویستی بە تۆ نیە لەسەر سەنگەکەی شەڕ بکەیت باتیبەتیش لەگەڵ مندا.
٩-سەرئەنجام دەربارەی شکارچێتی تۆ، ئەوەندەی لە وەلامەکەت تیگەیشتم ئەمەیە کە تۆ بە تەوهین لە قەلەمتداوە منیش بە توندەی تەکزیبی دەکەم. با سەرنج بدەین تۆ بەهانەی بانگەوازەکەت لەم کاتەدا روو بە بالیکی حیزبی حیکمەتی بەم جۆرە پاساو دەدەی “ما به سرنوشت تک تک رفقائی که از هر جناح سالها با هم بوده ایم اهمیت قائل هستیم” زۆرباشە خیلی مەمنون بۆ لوتفی ئیستاتان. بەلام پرسیار ئەوەیە کە لە ٨ سالی رابردوودا لە خەبات دژی جمهوری ئیسلامی، لە خەبات دژی ملهوری ئەمپریالستی، لە خەبات دژی نەزمی هاری سەرمایە، لە خەبات دژی تیرۆریزمی ئیسلامی و لەو کاتەدا کە بەشێکی بەرچاو لەم هاورێی سالەهانەتان کەوتنە لیستی ئەنتەرپولەوە و کەوتنەبەر مەترسی گیانی…بۆ ئەم هەستی هاوریانە و اهمیت بۆ چارەنوسیان و میهرەبانیەتان بۆیان نەنواند و تەنانەت ناوی خۆتان نەخستە پال لیستی ئیمزاکەرانی نامەی نارەزایەتی دژی ئەم پیلانە چەپەڵە؟! نەک ئەوەتان نەکردوە بەلکو بەردەوام پەلامارتان داون و تانەو تەشەرتان تیگرتوون؟ بەلام ئەمرۆ کە بەشێک لەوان لە مەیدانی حیزبیەت و ئیختلافی سیاسیدا لەگەڵ کۆرشی مدرسی کەوتونەتە کێشەو بەرامبەر یەکەوە ئیتر یەکسەر بون بە هاورێ و گیانی هاوریەتی و بە هۆلەوەبون بۆ چارەنوسیان و میهرەبانی سەرتاپای ئیوەی داگرتوە بەرامبەریان؟! ٨ سالە نەک ووشەی هاورێ بەلکو جۆرەها ئەلقابی تالتان بەرامبەر هەر ئەم کەسانە بەکار بردوە، ئیستا چۆنە لوتف بارانیان دەکەن؟! سڕی ئەمە رونکەوە تا باوەربکریت کە مەبەستەکەت گەران بە دوای دۆستدا نیە لە وەستی ماجەراکە.
١٠-وەلامەکەت بەم کەلیماتە کۆتایی پێدەهێنی “دستتان را صمیمانه میفشارم”، بەلام یەک دێر بەر لەوە بەم جۆرە لەگەلم دەدوێی “قصد اهانت ندارم ولی بیان دیگری جز این پیدا نمیکنم که بگویم کار شما به رجزخوانی در حین فرار میماند که چندان جالب نیست. کوتاه بیائید دوست بسیار عزیز.” لەوە دلنیابە ئەم ئارەزومەندیە بۆ فیرارکردن و کوتاه هاتنی من خەونێکە شانصی بەدیهاتنی نیە. من هەلسوراوی دوو حیزبم کە لە جەرگەی یەکیک لە حەساسترین دەورانەکانی کۆمەڵگای عێراق و کوردستاندا بە راوەستان لەسەر خەتی حیکمەتیست لەگەڵ ئەنواع دارودەستەی قەومی و ئیسلامیدا لە ململانیدایە.
بەلام دەربارەی ئەم لیدوانە شیرینەت کە قصدی ئیهانەتی تیا نیە!! یان دەبێ ئیدعای صمیمیەتەکە راستگۆیانە نەبێت، یان دەبێ دۆستە صمیمیەکەی من فقری بیانی صمیمانەو دور لە ئیهانەتی هەبێت. لە هەردوو حالەتدا تەنها گلەیی لە بەختی خۆم دەکەم کە دۆستی صمیمی وام پێبڕاوە کە جگە لە بیانی ناشیرین و پڕ اهانە هیچی تر شک نابات بەرامبەرم. هەر ئەمە و ئیتر هیچ وەلامێکی ئەو لیدوانە شیرینەت نادەمەوە.
٢١-١-٢٠١٢