ئەم نوسراوە لە ١ی سەپتەمبەری ٢٠١٦ نوسراوە و خراوەتە بەردەستی کۆمیتەی ناوەندی و پلینۆمەکەی.
هاوڕییان! من لە پلینۆمدا ناتوانم ئامادەبم و لەم بارەیەوە لەگەل هاوریی سکرتیر قسەم کردوە، بەلام لەو روەوە کە لاموایە هەم کۆمەلگای عیراق و هەم خودی حزب بە هەلومەرجیکی حساسدا تیدەپرن، بە پویستم زانی بە کورتی تصویری خۆم لەسەر ئیستاو داهاتوی حزب بە ئاگاداری هاورییان بگەیەنم.
لەم چەند سالەدا چەندین مەسەلەو ئالوگۆری گرنگ لە عیراق و ناوچەکدا رویانداوە. ئەوەی ناوی نراوە پرۆسەی سیاسی لە عیراقدا لە هەموو رەویەکەوە دوچاری ناکامی و بنبەست و نوقمی ئەزمەیەکی هەمەلایەنەیە، پرۆسەی بیناکردنی دەولەتی فیدرال و فیدرالیزم ناکام ماوەتەوە، هیرشی بەرفراوان بۆسەر چینی کریکارو جەماوەری زەحمەتکیش بەریوەبراوە و سەرەتایترین دەسکەوتەکانی رابردوو وەرگیراونەتەوە و جەماووری کریکارو زەحمەتکیش لە پیداویستیە هەرە سەرەتاتتیەکانی ژیان محروم کراون. داعش و شەری داعش و جۆرەها کارەسات هاتەئاراوە، شەری تائیفی دوبارە روباری خوێنی بەرێخست، ناکۆکی قەمی ئەوەندی تر قولبوەوە، نارەزایەتی کریکاری و نارەزایەتی جەماوەری خۆی نمیاشکرد، جۆرەها قانونی کۆنەپەرستانە دەرکرا، کۆیلایەتی و ئاپارتایدی جنسی دژی ژنان بەوپەری خۆی گەیشت. جەهەنم بۆ لاوان خولقینرا. شەرو کێشمەکیشی کۆنەپەرستانە بالی کیشا و بە ملیۆن خەلک ئاوارە بوون……
ئەگەر وەکو نازریکی خارجی چاوی لی بکەین، واتە بەدەر لەو راپۆرتانەی کە خۆمان بۆ خۆمانی باس دەکەین، لەم چەند سالەدا لە ئاستێکی کۆمەلایەتی و لە کێشمەکیشەکان و لە مەیدانی سیاسەت و پراتیکی سیاسیدا دیاردەیەک بەدی نەکرا کە ناوی حککع بیت. لە هیچ یەک لەو شەروکیشمەکیشانەدا جیگا پەنجەیەکی ئەم حزبە دیار نیە. حککع میژوەکەی بەوە ناسراوە کە بەردەوام لە کیشمەکیش و جدالی سیاسی و کۆمەلایەتی وهەندیک کات عسکریشدا بوە لەگەل جریاناتی کۆنەپەرست لەسەر مافی کریکارو بیکارو ژن و ئازادی و ئیستاو ئایندەی کۆمەلگا…بەردەوام چقلی چاوی کۆنەپەرستان بوەو هەراسانی کردون، زۆرجار وتاریکی ئیمە ئەوانی ئازارداوەو کەوتینە تقابلەوە لەگەلیان..بەلام چەند سالە ئەم مەیدانەمان خالی کردوەو زەرەرمان بۆ کەس نیە. لە نارەزایەتیەکانی کریکاراندا تەنانەت لەوانەی کە عناصری قیادی حزب رۆلی تیایاندا هەیە، کاریگەری حزب بەدی ناکریت. لە نارەزایەتی جەماوەریدا ئەگەر بەشداریەکیشمان هەبیت تەنها وەکو هەر هاولاتیەکی تر بەشدارو دنبالرەوی پراتیکیکین بەبی گویدانە ئەوەی کە ئەو نارەزایەتیە چەند نوینەرایەتی خواست و ئامانجە واقعیەکانی جەماوەر دەکات، هیزەکانی حزب خۆیان تیکەل بە جولانەوەی ئەوتۆ دەکەن کە پەیوەستە بە تاکتیکی رەوتە سیاسیەکانی تر و بیبەریە لە هەر ناوەرۆکیکی پیشکەوتوانە و نارەزایەتی شۆرشگیرانەی جەماوەری. نە تەنیا لە ئاستی پراتیکدا بەلکو تەنانەت لە ئاستی تەرحی بەدیلی سیاسی و عەمەلی، وە لە ئاستی خستنەروی تاکتیکی کارسازو خیتابیکی سیاسی کۆمۆنیستیدا حزب غیابی خۆی نیشانداوە و هەست ناکریت هیچ پرۆژەیەکی سیاسیی هەیە کە بە پلانەوە کاری بۆ دەکات.
لە روی رابەریەوە حزبی ئیمە نە تەنیا لە بواری دەرخستنی رابەرانیکی کۆمۆنیست بۆ کۆمەلگا ، تەنانەت لە رابەریەکی کارای بۆ تەشکیلاتەکەی خۆشی دابین نەکردوە. تەبلیغاتی حزبی لە ئاستی نەبوندایە، تەنها بلاوکراوەیەکی هەیە کە بە هیچ مقیاسیک ناکریت کاریگەری لە هیچ ئاستێکی کۆمەلایەتیدا ئەندازە بگیریت. زۆرتر وەکو هەر بلاوکراوەیەکی دیکەی کۆمەلگا خۆی دەنوینیت و رەخنەکانی لە چاو رەخنەی کریکارو جەماوەری خەلک نە تەنیا پشرەو خەتدەر نیە بەلکو لە پاشدایە، دەتوانین بلیین هیچ ئازاریک بە دەسەلات و بزوتنەوەو حزبە بۆرژوازیەکان ناگەیەنیت. لە بواری تشکیلاتیدا جگە لە تعدادیک لە هەلسوراوان کە بە جهد و تشخیصی خۆیان و فیداکارانە کۆمەلیک کاری محدود لە جۆری هەلواسینی لافیتە و بلاوکردنەوەی بەیان و بلاوکراوەکان لە نقاطیکی محدودا، هەروەها جاروبار سازدانی تجمعی بەرتەسکی حزب، لەوانە بترازی حزب خاوەنی رێکخراوی خۆی نیە و ئەوی پێی دەوتریت تشکیلات هیچ عرض و طولیکی مەلموسی نیە، خاوەنی کۆمیتە و شبکات و نسیجیکی سازماندراوی حزبی نیە. لە ئاکامی ئەوەی حزب خاوەن خەتیکی سیاسی-عەمەلەی تاکتیکی متمایزی کۆمۆنیستی نیە، ئەو تعدادە دیاریکراوەش کە وەکو تشکیلات و بافتی کادری حزب کە هەلدەسورین، بیبەرین لە سنوربەندیەکی رۆشن لەگەل سەرجەم تصورات و دروشم و ئەفکار و پراتیکی رەوتە بورژوازی و نیشتمانیەکان. هەروەها دەخزینە ناو بەشداری کردن لە جموجۆل و جولانەوەی ئەوتۆ کە هیچ ناوەرۆکیکی پیشکەوتوانەی نیە. سەرەتایترین مبادئی کۆمۆنیزمی کارگری لە ریزەکانی حزبدا خراوەتە ژیرگومان و پرسیارەوە. هاورییانیک بەر لە پلینۆمی پیشوەوە بە نوسراو رایانگەیاندوە کە رەخنەیان لەسەر بەرنامەی حزب هەیە و رەتی دەکەنەوە، بەلینیاندابو هەموو بەندەکانی بەرنامە نقد بکەن و بە بەرنامەیەکی لیبرالی تەشبهیان کرد. کەچی دوای سالیک لەو بارەیەوە قسەیک نەکراوە. من کێشەیەکم لەگەل نەفسی ئەوە نیە کە ئەوان رەخنەیان هەیە، رەخنەکەیان هەرچیەک بیت، کیشەکە ئەوەیە کە سالیک تیپەری بۆ رەخنەکانیان تەرح ناکەن تا قسەی لەسەر بکریت؟ من ئیستقبال لەهەرکەسیک دەکەم بلی باسی سیاسی و خیلافی بەرنامەییم هەیە، رەنگە کۆمەک بە پوختەبونی بەرنامە و سیاساتی حزب بکات، وە ئەو هاورییانە حەقی مسلمی خۆیانە راوبۆچونی خۆیان دەربرن، بەلام کێشەکەم ئەوەیە کە بۆ باسەکەیان ناکەن؟ ئەو بابەتە چی بەسەرهات؟ لەولاشەوە رەخنە لە رابەری ئەوەیە کە بۆ لەم بارەیەوە شتیک نالیت؟ بۆ تشجیعاین ناکات باسەکانیان بە شفافی بکەن، بزانین خلافمان لەسەر چیە؟ یان بۆ هیچ وەلامیکیان ناداتەوە کاتیک دەبینن ئەم باسە فریدراوەتە ناو حزبەوە، (جگە لە وەلامیکی رعد سلیم کە وادیارە ئەویش جیگای بایەخ و سەرنجی رابەری حزب نەبوە)، رابەری حزب زۆر سادە بەلای ئەم گرفتانەدا تیدەپەریت و هەلویستەیک لەبارەیانەوە ناکات و ریگایەک بۆ بە ئەنجام گەیاندنی ناخاتەرو. لە کاتیکدا بەرنامە و بەلگەنامەی اساسی ئیمەیە، چۆن وا مامەلە لەگەل ئەم مەسەلەیە دەکریت؟ بیدادی لە نائامادەیی رابەری دەکریت بۆ حضورو استقرار لە داخل. بەلام رەنگە لە هەموو تاریخی حزبدا ئەمە یەکەمجارە ئەندامیکی رابەری حزب (نادیە محمود) ئامادەی خۆی دەردەبریت بۆ استقرار لە داخل، بەلام رابەری نە پێشوازی لەم ئامادەییە کردو نە بیریکی لە مستەلزەماتەکانی کردەوە.
جگە لە وجودی عناصریکی فعالی کارگری کە لە هەمانکاتدا کادرو ئەندامی رابەری حزبن، شتیک نیە ناوی پەیوەندی حزب و طبقە یان کاریگەری ئەم دوانە لەسەر یەکتری بیت. حزب هیچ رۆلیکی لە بزوتنەوەی کریکاری و جەماوەری و هیچ رۆلیکی لە ژیانی کریکارو جەماوەردا نیە. لە باشترین حالەتدا بە بەیانیک پشتیوانی لە نارەزایەتیە کریکاریەکان دەکات کە خالیە لە هەرجۆرە خصوصیاتیکی رابەری و سازدەرانەو تەرحی تاکتیکی دروست بۆیان. تشکیلاتی خارج وەکو انعکاسی ئەم وەزعیەتە عمومیەی حزب و نەبونی هیج نەخشەو پلانیکی سیاسی، دەست و پێی خۆی ونکردوەو گۆراوە بۆ کۆمەلە عناصریکی پەرت و بلاو کە بە جهدی خۆیان هەندیک کاری لاوەکی لیرەو لەوی دەکەن و هەندی جاریش دەکەونە ناو کاری هاوبەشی ئەوتۆەوە کە ناکۆکە لەگەل سیاسەتی حزب و لە بنەرەتدا بریاردان لەسەر مەسەلەی لەم بابەتە دەسەلاتی رابەریە، ………. بە گشتی تشکیلاتی حزب پەریشان و سەرگەردان و بیحالە هەم لە روی فکری و سیاسی و هەم لە روی تشکیلاتیەوە.
عراق بە وەزعیکی حساسدا تیپەردەبیت، وەکو ئەمری واقع بوەتە ٣ بەشەوە، لەبەرزترین ئاستی دەسەلاتەوە، تا خوارترین ئاستی ئیداری، تا هیزی چەکدارو میلیشا و دەزگاکان لەسەر ئەم بناغەیە دابەش بونە. نەوت کە ببڕەپشتی ئابوریە بەشیکی لەلایەن حکومەتی بەغدا بەشیکی لەلایەن پارتی و بەشیکی لەلایەن یەکیتی و بەشەکەی تری لەلایەن داعشەوە دەفرۆشریت. لەلایەکی ترەوە لە ئیستاوە کیشەی لایەنە قومی و ئیسلامیەکان لەسەر محاصصاتی خۆیان دوای گرتنەوەی موصل و دەرپەراندنی داعش بەرەو توندبونەوە دەچیت و مەترسیەکی جدیش دەخاتە بەردەم کۆمەلگا. تیکرای لایەنە سیاسی جدیە بورژوازیەکان بەدیل و تەرحی کۆنەپەرستانەی خۆیان هەیە بۆ ئەم وەزعە و بە هەموو جۆریک ئامادەکاری بۆ دەکەن، تەنها حزبی ئیمە لەم بارەیەوە بیدەنگ و بی بەدیل و بی پلانە و تەنانەت خیتابیکی سیاسی رۆشنی نیە. ئەوە دیارنیە کە ئایا لەگەل ئەم تقسیماتەی ئیستا وەکو ئەمری واقع تعامل دەکات؟ ئەگەر وایە بۆچی و چۆن و ئەمە چ جیگەیەکی هەیە لە مساری سترتیژی حزبدا؟ ئەگەر ئەمە نیە ئایا لە جهەتی توحیدکرنەوەی عیراقدا کار دەکات؟ ئەوکات پرسیار ئەوەیە کە ئەمە بۆچی و لەسەر چ بناغەیەک؟ چ تصورو سیناریۆیەکی بۆ تحقیقی ئەمە هەیە و لەم حالەدا لانی کەم چۆن ئەمنیەت و ژیانی مەدەنی خەلک دابین دەبیت و چۆن دەکریت لانی کەم عیراقی یەکگرتو نەبیتە چوارچیوەیەک بۆ یەکترکوشتن لەسەر بناغەی قومی و تائیفی؟ وە ئەگەر لە جهەت رەسمیەتدان بە تقسیمی عیراقدا کار دەکات، دیسان هەمان ئەو پرسیارانە و چەندین پرسیاری ترمەترەحن و دەبی وەلامیان بدریتەوە. بیدەنگیش وەکو ئیستا لە هەرسێ احتمالکەی تر خراپترە و لە راستیدا خۆکوژیەکی سیاسیە.
لەبەرامبەر انشقاقاتی کۆمۆنیزمی کریکاریدا تا ئیستا تاقە شانازی حزب ئەو هەلویستەیە کە بەرامبەر انشقاقی حزبی حکمتیست نواندی، بەلام ئەو خەتە هیچ ئیدامەیەکی نیە. لە کاتیکدا دەبوو لە ئیدامەی ئەو خەتەدا هەمیشە هەموو ئەوانەی خۆیان بە ناوی کک هەلدەخەن، ئەگەر لە روی خەتی و سیاسیەوە بە ئیمە نزیکترن پەیوەندی توندو هاوخەباتی گەرممان لەگەلیان هەبوایەو هەرلایەکیش ئەو ناوانە بۆ سەرمایەگوزاری سیاسی و داپۆشینی خەتی غیرە کۆمۆنستی بە کێش دەکەن لە ژیر گوشاری حزبدا بونایە و حزبی ئیمە موقعی ئەوەو بنەمای ئەوەو فرسەتی ئەوەی هەبوو وەکو مرجەعیکی کۆمۆنیزمی کریکاری دەرکەوی و رۆل بگیریت. بەلام لە ئیستادا سیاسەتی حزب دەستگرتنە بەکلاوەکەیەوە بۆ ئەوەی با نەیبات و بە پیچەوانەوە تشکیلات و کادرەکانی حزبی ئیمە لە ژیر فشاری لایەنەکانی تردان. بیدەخالەتی و سکوت و هەموان بە چاویک تەماشاکردن لە راستیدا بیگانەیە بە مارکسیسزم و حکمت. تا ئیستا ئەگەر لەم بارەیەوە تۆزقالیک مەکانەت بۆ حزب مابیت تەنها کریدیتی کاری رابردویەتی لەم مەیدانەشدا هیچ رۆلیکی نەماوە کە شایانی باس بیت.
ئەگەر لە دیوی ناوەوەی حزبیشەوە چاو لە وەزعی حزب بکەین، دەبینین هەرچەندە رابەری کۆبونەوەکانی دەکات و ئەویش نەک بە رێکوپێکی بەلام تەقریبەن نە بزوتنەوەی کریکاری نە هیچ یەک لەم کیشە سەرەکیانەی کۆمەلگا مشغەلەی رابەری نیە، مشغەلەکانی یان جدل و بینەبردەی ناپەیوەستە و بی ئەنجامگیری و بیکاریگەریە لەسەر پراتیکی حزب، یان کێشمەکیشی بی سەمەری ناوخۆیە. حزب لەسەرەوە تا خوارەوە گرفتاری چەند دەستەیی و نا ئینسجامیە و لە راستیدا وەکو چەند محفەلی ناکۆک لەگەل یەک کار دەکریت، ئەگەر تۆزقالیک هیزو ئنیرجی هەبیت لەم ناکۆکیانەدا بەهەدەر دەدریت. با راشکاوبین لەگەل خۆمان؛ ئەگەر لەسەر رابەری و ئیستقرار و شیوەی رابەری و ئارایشی رابەری جەدەل دەکریت، ئەگەر لەسەر تشکیلات و تشکیلات سازی و عرض و طولی تشکیلات و کادرو تەنانەت رۆلی عناصرەکان جەدەل دەکریت، ئەگەر لەسەر جریدەکان جەدەل دەکریت، ئەگەر لەسەر کۆنگرەو پلینۆم جەدەل دەکریت، ئەگەر لەسەر ریکخراوە جەماوەری و جانبیەکان جەدەل دەکریت، ئەگەر لەسەر راپۆرت و تقیمی راپۆرت جەدەل دەکریت..سەرجەم نەک لە روانگەی بینای حزب و ئیرتقادان بە بزوتنەوەی کریکاروی و حزب و کۆمەلگا، بەلکو لە دیدی کیشمەکیشی مەحفەلەکانەوە بینەوبردە لەسەر ئەمانە دەکریت. ئەگەر کەسانیک ئەمە رەت دەکەنەوە بەبروای من هیشتا لە ئەصلی مەسەلە نەگەیشتون و دورن لەوەوە ریگاچارە تەرح بکەن. لە حزبدا باسی خلافی سیاسی و تەنانەت خطوطی جیاواز دەکریت، بەبی ئەوەی نە کۆمەلگا و نە تەنانەت تشکیلاتەکەی دەرفەتی ئەوەی هەبوبیت لەم بارەیەوە تشخیص بدات و هەلبژاردنیکی سیاسی واعیانە بکات. واتە پرسیار ئەوەیە کام خیلافی سیاسی و کام خطوطی جیاواز؟ بۆ باسەکانی بە شفافیەتەوە مەترەح ناکریت؟ راستیەکەی ئەوەیە بەدەر لەوەی هەر خیلافات و بۆچونیکی سیاسی جیاواز هەبیت کە لە هەموو حزبیکدا هەیە، بەلام ئەصلی مەسەلەی حزبی ئیمە ئەوەیە کە تواناییەکی زۆ بە کیشمەکێشی بلۆکبەندی و ناوخۆیی و بیسەمەر بەهەدەر ئەروات، بەبی ئەوەی هیچ هەول و هیچ تەرحیک لە دەستوری هیچ کەسیکدا هەبیت بۆ دەرهیانی حزب لەم ناکۆکیانەو یەکدەست و منسجیم کردنی سیاسی حزب….
لە روی مالیەوە یەکەم/ هیچ کات حزب بە ئەندازەی ئیستا بیسەروبەرو بی پارەو بی پلان نەبوە، پیش هەرشتیک لەبەر ئەوەی کارو فعالیەت کۆموک و پارە رادەکیشیت، بەلام کاتیک کاریکی سەرنجراکیش لە ئارادا نەبیت پارەش نادریت بە حزب. دوەم/ بی پلانی لەم مەیدانە. حزبی ئیمە جگە لە هەولی هەموو بەشەکانی بە تایبەتی تشکیلاتی خارج، ریزیک کادری فیداکاری مالی هەبوو کە مالیەی حزبیان دابین دەکرد، نمونەی بەرجەستەی ئەوان رعد سلیم بوو……… بیگومان ئەم سیاسەت و برخوردانە مالەیەی حزب و سازمانی مالی و کادری مالی داغان دەکات.
لەم بارەیەوە دەکریت لیستەکە دریژتربیتەوە بەلام بەوەندە ئیکتفا دەکەم؛
تا ئیرە زۆر راشکاوانە و دلسۆزانەو بە قەناعەتەوە دەلیم کە مەبەست و هدفی من لەم عرضە، نقد لە کەسیک نیە، نە لە قیادەو نە لە کادرانی حزب، ئەمە ئیستا ئەصلی مەبەستەکەم نیە. پیم وایە هەموومان لە قیادەی حزب لە کۆمیەتی ناوەندی و لە مەکتەبی سیاسی مسئولین لەم وەزعە. بەلام باسی من ئەمە نیە، هەولی من ئەوەیە کە بتوانین تصویریکی انتقادی هاوبەش لەسەر ئەم وەزعە دروست بکەین. ئەمە یەکەمین هەنگاوو بنەمای سەرەکی یەکدەستبونەوەی حزب و هەنگاوی ئایندەمانە بۆ تجاوزکردنی. کێشە لەوەدایە کە ئەم وەزعە جیگای رەزامەندی بیت و بەبی گەران بەدوای ریگاچارە و تجاوزکردنیدا لەگەلی برۆین. من تا ئیرە خۆم بە مسئول دەزانم بەلام لەوە زیاتر نامەوی لەگەل تکرارکردنەوەی ئەم میژوە برۆم و باس و بریارو جهەتگیریەکانی ئەم پلینۆمە هەلویستی کۆتایی من یەکلادەکاتەوە. بە حەق بیت یان بە ناحەق دەمەوی جاریکی تریش چاوی ئومید ببرمە ئەم پلینۆمە بۆ ئەوەی بە ئاراستەیەکی جیاوازدا لە جهەتی هەلگیرانەوەی وەزعەکە تصمیم بگریت و هەنگاویک هەلگریت. بەداخەوە من ئیستا وەزعم ریگام نادات راستەوخۆ رۆلیکی ئەوتۆ بگیرم بۆ تجاوزی ئەم دۆخە و ئیجازەش بە خۆم نادەم و باوەریشم بەوە نیە کە کەس پلاتفۆرم دابریژیت بۆ ئەوەی کەسانی تر تنفیزی بکەن. تاریخی حزبیش چەندین جار بێسەمەربونی ئەمەی نیشانداوە. بۆیە من لیرەدا تەنها بە کورتی بنەماکان و سەرخەتی مستلزەماتی تجاوزی ئەم وەزعە لە روانگەی خۆمەوە باس دەکەم هیوادارم کۆمەک بکات بە پلینۆم بۆ ئەوەی پلاتفۆرمی خۆی تحدید و زەمانەتی تنفیزی بکات؛
- حزبی ئیمە بەرلە هەموو شت پیویستی بە شکلدان بە دامەزروەیەکی دائیری رابەری سیاسی خەتدارهەیە. رابەریەک کە لانی کەم لە مەیدانی سیاسی و خەتی تاکتیکی کارسازو سترتیژیدا خاوەن دیدیکی رۆشنی مارکسیستی بیت و هەمیشە و بەرامبەر هەر دۆخ و ئالگۆریک ختابیکی سیاسی واضح و بەدیلی چارەسازی هەبیت بۆ کۆمەلگاو بۆ ئەوەی لە ستراتیژی شۆرشی کارگەری برواتە پیشەوە. رابەریەک کە بە کردەوە ئالاهەلگری شۆرشی کریکاری بیت و ئەم پەیامە بە کۆمەلگا بدات وەکو تاقە ریگای نەجات. رابەریەک کە بە شیوەی دائیمی و سیستماتیک رابەری سیاسی و عەمەلی تشکیلات و بزوتنەوەی نارەزایەتی کریکارو چەپی کۆمەلگابیت. رابەریەک کە مودەعی نوینەرایەتی کۆمۆنیزمی مارکس و حکمت بیت و جریاناتای دیکەی خاوەن ئەم ئیدعایە خۆیان لە ژیر گوشاریدا ببیننەوە و نوینەرایەتی کۆمۆنیزم بۆ خۆی کەسب بکات، بە کورتی رابەری و حزبیک کە خاوەن خەتیکی متمایزی مارکسستی بیت. بیگومان ئەلگۆی متلوبی ئەمە جمعیکی متمرکزە لە داخل بەلام بە لەبەرچاوگرتنی میژویەک لە هەولدانی بی ئاکام بۆ ئەمە، لە ئیستاو لە هەنگاوی یەکەمدا لانی کەم ئەلگۆیەکی ممکن بە تەرکیبەیەکی داخل و خارج کە لە رابتەیەکی ئۆرگانی و توندوتۆلی کاری جەمعیدا رابەریەکی ئەکتیڤ بۆ حزب دابین بکات .
- دانی تەرحیکی سیاسی رۆشن و کارساز بۆ دەرهینانی عیراق لە بنبەست و سیناریۆی تەلخی ئیستا. کە لانی کەم بتوانی بە فوری ئەمنیەت و سازدانەوەی ژیانی مەدەنی بۆ خەلک دابین بکات. ئەمە مەلزوماتی سەرەتای هەلومەرجیکە کە تیایدا خەباتی طبقی گەشە بکات و چینی کریکار ئیمکانی شۆرشی کریکاری پەیدا بکات. هەر ئەمە دەتوانی مانای تەرحی تاکتیکی حزب بیت. لە باسی تاکتیکدا گرنگ ئەوە نیە کە تەرحی رازاوە بە دروشم و مصطلحاتی رادیکال گەڵالە بکریت، بەلکو تاکتیک دەبی ئەو تایبەتمەندیەی هەبیت کە ئالوگۆری شۆرشگیرانە لە جەرگەی ئەو هەلومەرج و توازن قوایەی جیگای مەبەستە، بە قازانجی چونەپیشی رەوتی شۆرشی کریکاری ممکن و مەیسەر بکات. لە ئیستادا ئەوە وەکو رۆژی روناک ئاشکرایە کە ئامادەیی زاتی بۆ شۆرشی کریکاری لە نزمترین ئاستی خۆیدایە و ئەم هەلومەرجەش بوار بە چونە سەری ئەم ئامادەییە نادات. تاکتیک دەبی تەرحیک بیت کە بتوانی ئەوزاع بۆ پەرەگرتنی خەباتی چینایەتی و چونەسەری ئامادەیی زاتی چینی کریکار لەبار بکات. پیداگری یەکلایەنە لەسەر شۆرشی کریکاری بەبی گرتنەبەری تاکتیکی کارساز بۆ چۆنیەتی دابینبونی مستەلزەماتەکانی ئەم شۆرشە، ناتوانریت بە کردەوە ئەو شۆرشە بخاتە دەستورەوەو تەنها دەبیتە دروشمیک و هیچی تر. حزبی مودەعی قودرەت و دەسەلات حزبیکە کە ریگاچارەی تاکتیکی و سیاستی رۆشنی بۆ کیشەکانی کۆمەلگا هەیەو بە میکانیزمی کۆمەلایەتی سیناریۆی رۆشنی هەیە بۆ تحقیقی سیاسەتەکانی. تەنها بەم پیەش کۆمەلگا بواری ئەوەی پیدەدات دەسەلات وەرگریت و جەماوەری کریکارو زەحمەتکیش و ژنان و لاوان دەچنە ژیربالیەوە بۆ ئەوەی بگاتە کورسی دەسەلات. ئەگەر حزب بەراستی لە دەستوری بیت و بیەویت وەکو هیزیکی سیاسی جدی، نەک حاشیەیی تر لە هیزی ئۆپۆزسیۆنی حاشیەییی بیت، پیویستە دەربارەی ئایندەی کۆمەلگا قسەی رۆشنی هەبیت و سیاسەتی کارساز بخاتەروو. ئەمەیە دەتوانی هەم خودی حزب لە دەوری ئەم سیاسەتە متحد بکات و هەم کۆمەڵگا لەدەوری هەلخرینی. بە کورتی ئەم حزبە دەبی بە کردەوە وەلامی ئەو پرسیارە بداتەوە؛ کە دەیەوی و دەڕوا بەرەو ئەوەی کە ببیتە حزبیکی سیاسی جدی کە هەم خۆی و هەم کۆمولگا سازمانبدات و خۆی بۆ دەسەلاتی سیاسی ئامادە دەکات و بەم جۆرە خۆی بە کۆمەلگا دەناسینی، یان هەر وەکو ئیستا دەمینیتەوە کە خەریکە بون و نەبونی جیاوازیەکی نەبیت؟!
- پیویستمان بە تەرحیکی رۆشنە بۆ یەکدەستکردنەوەی حزب و کۆتایی هینان بە کیشمەکێشی مەحفەلی و بلۆکبەندی غەیرە سیاسی ئیستا. هەرکەس خەمی حزب و کۆمۆنیزمی هەبیت، بەهەر بۆچونیکی سیاسی جیاوازەوە دەبی مسئولانە روبەری ئەم وەزعە ناوخۆیەی حزب بیتەوە. عادی ترین دیاردە لە حزبی سیاسیدا بونی ئیختلافات و تصورات و بۆچونی جیاوازە، بەلام دەبی نەرتیکی حزبی بتوانی ئەمە بە مساریکدا کەنالیزە بکات، کە بوچونە جیاوازەکان پوختەیی حزب بەرنە سەرەوەو لە هەمانکاتدا لە مەیدانی سیاسی و پراتیکیدا حزب وەکو جەستەیەکی واحد بۆ شەری هەمەلایەنە دژی بورژوای دەرکەوی. هەر شتیک زیان بەمە دەگەیەنی بە کردەوە دژی کۆمۆنیزم و تەحەزوبی کۆمۆنیستیە. یان ئەگەر اختلافەکان لە ئاستیکی جدیدا بن ریگاچارە کاری فراکسیونیە،.جگە لەم دوانە ریگای بەیناوبەینی نیەو مەحەفەلیزم حزب ئیفلیج دەکات. من گومانم نیە لە ئیستادا هەموو هیزی حزب و کاراکتەرەکانی و کادرو ئەندامانی بۆ حزب زۆر پیویستن، ئیمە هیزی زیادەمان نیە تا گوی نەدەین بە لەدەستدانی تەنانەت یەک ئەندام. بۆیە کورتکردنەوەی دەستی هەر بەشیک لە تەرکیبەی ئەم حزبە و کەنارخستنی هەر یەک لە کارکتەرەکانی جگە لە زەربەیەکی گەورە لە حزب و تەجروبەی کۆمۆنیزم ئاکامیکی تری نابیت. حزب پیویستە متحدو یەکدەست بیت و هەموو شیوەکاری محفلی کۆتایی بیت. دەنا هەموان دەدۆرریین.
- تشیکلاتی حزب دەبی تشکیلاتیکی ملموس بیت لە پێشدا بە رۆل و کاریگەری لە کارگە و ناوەند و گەرەک …هتد، هەروەها قابیلی ئەوە بیت طول و عرضی بە ئاسانی مقیاس بکریت. هەرکەس ئەندامی حزبە دەبی معلوم بیت لەکەیەوە ئەندامە، لە کام تشکیلەی حزبیدایە، کاری چیە، ئابونەی چۆنە لە چ فعالیەتیکدا چۆن بەشداری دەکات. قابیلی ئەوەبیت کۆبکریتەوە و توجیە بکریت و گوی لە راو پێشنیاری بگیریت. ناکریت لەسەروبەری انتخاباتەکاندا لیستی ئەندامان طولانی و لە کاتی کاردا تقلص بکات و ئیختیاری و ئیرادەگەریانە یاری بە ژمارە بکریت. هەر جۆرە رەفتاریکی لەم بابەتە دەبی روبروی ئیجرائاتی توند بیتەوە. تشکیلاتی حزب پیویستە تسکیلاتیکی متعهد بە بەرنامەو سیاست و نەریتە کۆمۆنیستیەکان بیت و واعیانە فاصلەی خۆی لەگەل تیاراتی بورژوازی درک بکات. دەبی تشکیلاتی حزب عیبارەت بیت لە کۆمەلیک نسیجی حزبی کە پیکەوە کار دەکات بۆ بەسیجی کۆمەلگا لە دەوری کۆمۆنیزم و لە نارەزایەتی و سازماندانی کارگەرو جەماوەر دەوریان هەیە. کۆمیتەکان دەبی کۆمیتەی حزبی و کارگەری بن واتە پیکهاتبن لە فعالینی کارگری و هەلسواراوانی مارکسیستی خاوەن رۆل لە بزوتنەوەی کارگەری. دەبی نوقاتە کارگەریە مهمەکان دیاری بکریت کە دەبنە ئەولەویەت بۆ ئەوەی کۆمۆنیزم فتحیان بکات. تشکیلات دەبی منزەبت و مەحکەم بیت لە حالەتی مایعی بیسنوری ئیستا دەرچیت. لە وەزعیکی وەکو ئیستای کۆمەلگای عیراقدا بە تشکیلاتی مایع و شلوشاوو هەرەمەکی کۆمۆنیزم شانصی چونپێشی نیە. دانانی پلان و بەرنامەی کاری رۆشن بۆ تشکیلاتی داخل و خارج. کە بنەماکەی سازدانی کۆمۆنیستی و جەماوەری چینی کریکارو بە دەستهینانی پشتیوانی جهیانیە لە خەباتی کریکارو خواست و خەباتی جەماوەری ئازادیخوازو ستەمدیدە. تشکیلاتی خارج دەبی رۆلی هەبیت لە پەرەپیدانی مارکسیزمدا. تەرکیبەی کادری حزب مشخص و ملموس و خاوەن معیاری تایبەتی بیت. کادرانی حزب دەبی پیشرەوی پابەندبوون بە ئوصول و پرەنسیپی کۆمۆنیستی بن و پیشلکاری پرەنسیپیان لی قبول نەکریت. لە ئیستادا بە هەمو کەمو کوریەکانەوە کۆمۆنیزم و حزبی ئیمە دەتوانی ریزیک لە کادر لەسەر خەت راگریت کە سەرحال و خاوەن روحیەت و مارکسیست بن و دەست بەرن بۆ قەلەمەکانیان و برۆنە شەری ئەفکارو سیاسەت و نەریتە بورژوازیەکان، بەمەرجی ئەوەی رابەریەکی مارکسیست و شۆڕشگێر ئامادەبیت بە خەتیان بکات، ئاراستەیان بکات، دەستیان بگریت و دەستیان پربکات.
- هەم لەروی سیاسی و هەم لەروی تشکیلاتیەوە پیویستە سەرنجی ئەوە بدەین کە لە کوردستاندا ئیستا زیاتر لە ملیۆن و نیویک ئاوارەی عەرەبزمان هەیە کە لە ناوچە جیاجیاکانەوە هاتون، زەمینەی کار لەگەلیان زۆر لە بارە، لەژیر گوشاری راسیزمی کورد و گرفتاری جۆرەها کیشەن، پیویستی حەیاتیان بە هەرجۆرە ریکخراوبون و یەکدەستیەک هەیە بۆ بەرگری لە خۆیان، استقبالی گەرم دەکەن لە هەر حزبیک کە پستیوانیان بکات، ریگایان نیشانبدات، ریکخراویان بکات..من ئەمەم بە شخصی لەگەل هاورییانیک چەند جاریک باس کردوە بەلام هیچ کاریکی بۆ نەکراوە. حزب دەبیت کۆمسیۆنیکی تایبەتی بۆ کار لەگەل ئەوان و ریکخستیان لە حزب و لە تشکلیکی وەکو (اتحاد نازحین کە لە کۆتایی نەوەتەکان دروستمان کرد و رۆلیکی باشی هەبوو) ریکیان بخەین. ئەمە لە ئیستا و داهاتودا ریشەی حزب لە کۆمەلگای عیراقدا بەهیز دەکات.
- ئیعلامی حزب بەرای من گرفتەکەی ئەوە نیە کە تەنها وەسائیلمان نیە، ئەوەشی هەمانە کۆمۆنیزم و سیاسەتی کۆمۆنیستی و نقدی کۆمۆنیستی و بەدیلی کۆمۆنیستی تبلیغ ناکات. لانی کەم پیویستمان بە جریدەیەکی ١٥ رۆژ یان مانگانە هەیە کە تیژ و کۆمۆنیستی نقد بکات، زمانحالی ئعترازی کارگرو رینیشاندەری سیاسی و تاکتیکی و سازدەری خەباتی کریکارو ژن و لاو و جەماوەری نارازی بیت و بچیتە شەری فکری و سیاسی جریاناتی کۆنەپەرستی بورژوازی. ئەگەر کاری عەلەنی و قانونیبونی حزب مانعی ئەمە بیت، باشترە ئەوانە بکرینە قوربانی نقدو ختابیکی تیژی مارکسستی نەک کۆمۆنیزمەکەمان کال بکەینەوە. لیرە من قسەم لەسەر محتەوای تبلیغە ئەگەر ئەمە کۆمۆنیستی بیت، لە دنیای ئەمرۆدا بە زۆر شیوە دەکریت تبلیغی کۆمۆنیستی بگەیەنریت بە گوێی کۆمەلگا.
- ریکخستنی پەیوەندیەکی رۆشن و شفاف و کارساز و پشتبەستو بە پرەنسیپی کۆمۆنیستی لەگەل تشکلاتی جەماوەری و جانبی و خەباتکارانەی ژنان و کریکاران و لاوان و….بایەخدانی جدی سیاسی بە کارو چارەنوسیان بە تایبەتی ئەوانەی لەلایەن کادرانی حزبەوە رابەری دەکرین. کادرانی حزب مولزەمن گوزارشی تفصیلی (بە تایبەتی راپۆرتی مالی دەربارەی ئەوەی چیان دەست دەکەویت و چۆنی سەرف دەکەن) هەمەلایەنەی ریکخراەکان بدەن بە حزب و حزب دەخیل کەن لە چارەنوسی ئەوان. لەگەل ئەوەشدا ئەوان لە بریارو کاری خۆیان سەربەخۆن.
- سازدانی تشکیلاتی مالی حزب، ئابونەکان، کادرە مبتەکرەکانی حزب لەم بوارە، پەرەدان بە نەریتی کۆمەک کۆکردنەوەو سپانسۆر بۆ پرۆژەکان. و سازدانی سازمانیکی مالی و بەرقەرارکردنی پەیوەندیەکی پتەو بەردەوامی رابەری لەگەل ئەم سازمانە….هتد
- حزب پیویستە لەسەر ئاستی سیاسی لە روداوو رەوەندو تحولاتی سیاسی ناوچەکە و دنیای عەرەب لانی کەم خاوەن هەلویست و لیکدانەوەبیت و دەخالەتیکی سیاسی لە خۆی بنوینیت. هەروەها دەربارەی کۆمەلگای کوردستان و کێشەکان و چارەنوسەکەی، لانی کەم تا ئەو جیگایەی پەیوەستە بە ئایندەی عیراق و کیشەکانی لەگەل دەسەلاتی مەرکەزی، پیویستی بە دەخالەتی سیاسی و هەلویستی رۆشنی حزبی عیراق هەیە. لەسەر ئاستی ناوچەکەو جیهان وەکو هیزیکی ئەنتەرنسیۆنالیستی کۆمۆنیستی بە ئەندازەی توانای خۆی و کادرو هەلسوراوەکانی جۆریک لە دەرکەوتنی هەبیت. لەگەل بزوتنەوەی کریکاری و جەرەیاناتی چەپ و سۆسیالستی خاوەن رۆل پەیوەندی و هاوخەباتی هەبیت و پرەنسیپەکانی خۆی لەم بوارەدا رۆشن بکاتەوە. هاوکات وەکو نوینەری کۆمۆنیزمی مارکس جریناتی غیرە کۆمۆنیستی مدعی کۆمۆنیست خۆیان لەژیر گوشاریدا ببینن. ئیستا عیراق و ناوچەکە جیگای سەرنج و بایەخی هەموو دنیایە. حزب دەتوانی لەم بایەخدانەی دنیا کەلک وەرگریت و زۆرترین پشتیوانی بۆ ئازادیخوازی و چینی کریکارو خەبات و خواستی جەماوەری نارازی کۆبکاتەوەو بیکاتە فشاری جدی لەسەر بەرەی بورژوازی و کۆنەپەرستی.
……..ئەمانە مصاف و مەیدانە سەرەکی و ئەولەیاتەکانی حزبە بۆ هەستاندنەوەی وەکو حزبیکی کۆمۆنیستی کارگەری مودەعی قودرەت و دەسەلات. لە ئیستادا کە رەنگە زۆر فاکتۆری ورد و درشتی تر هەبیت کە بخرینە دەستورەوە، بەلام بەم فاکتۆرە سەرەکیانە ئیکتفا دەکەم . لە کۆتایدا جەخت لە دابین کردنی رابەریەک دەکەم کە بتوانی زامنی تنفیزی ئەمانە بیت. بە جۆریک کە حزب بە تحقیقی ئەم ئالگۆرانەوە بچیتە ناو هۆلی کۆنگرەی داهاتوەوە. ئارەزو دەکەم دواتر ئەم پلینۆمە لە تاریخی حزبدا بە پلینۆمی بوژانەوەی سیاسی و وەحدەت و یەکدەستی حزب و تەقویەتی خەت و بونیەی مارکسستی حزب ناوبەرین، پلینۆمیک کە حزب وەکو جەستەیەکی واحد بۆ جەنگ لە دژی سیناریۆ کۆنەپەرستانەکانی بورژوازی و لە دەوری خەت و پلاتفۆرمیکی کۆمۆنیستی دەربخات. بەبروای من ئەگەر هەموو کاتی پلینۆم تەرخان بکریت بۆ تقیمیکی ئۆبژیکتیڤ لەسەر وەزعی حزب و برانەوە لەسەر پلاتفۆرمیکی چارەساز و تحدید کردنی ریگاکانی تەنفیزی، پلینۆم زۆر سەرکەوتو دەبیت و ئومید دەگیریتەوە. ئەگینا کەسیکی وەکو من، هەروەها رەنگە درەنگ یان زوو خەلکانی تریش دوچاری نائومیدی لەم حزبە و بیرکردنەوەیەکی تر دەکات.
ریبوار احمد ١-٩-٢٠١٦
هەر لیرەدا داوا دەکەم لە پلینۆم کە رەزەمەندی بدات لەسەر ئەوەی دوای پلینۆم ئەم نامەیەم بدریت بە ئەندامانی حزب.